Սիրանույշ Օհանյան | ԱՆԽԶԵԼԻՈՒԹՅՈՒՆ

Սիրանույշ Օհանյան

Սիրանույշ Օհանյան Լուսանկարը՝ Մերի Սահակյանի

*

Կյանքը շարունակվում է սերմի մեջ

Սերմը շարունակվում է հողի մեջ

Հողը շարունակվում է ծառի մեջ

Ծառը շարունակվում է պտղի մեջ

Պտուղը շարունակվում է մարդու մեջ

Մարդը շարունակվում է օդի մեջ

Օդը շարունակվում է երկնքի մեջ

Երկինքը շարունակվում է

 

*

Ծառը լռում է անտառի մեջ

Անտառը լռում է դաշտի մեջ

Դաշտը լռում է կղզու մեջ

Կղզին լռում է օվկիանոսի մեջ

Օվկիանոսը լռում է գիշերի մեջ

Գիշերը լռում է

 

*

Երազը հնչում է քնի մեջ

Քունը հնչում է մարդու մեջ

Մարդը հնչում է մտքի մեջ

Միտքը հնչում է բառի մեջ

Բառը հնչում է խոսքի մեջ

Խոսքը հնչում է ձայնի մեջ

Ձայնը հնչում է սրտի մեջ

Սիրտը հնչում է

 

*

Սարը իջնում է ձորի մեջ

Ձորը իջնում է գետի մեջ

Գետը իջնում է հունի մեջ

Հունը իջնում է հողի մեջ

Հողը իջնում է երկրի մեջ

Երկիրը իջնում է

 

*

Աչքը բացվում է լույսի մեջ

Լույսը բացվում է արևի մեջ

Արևը բացվում է հրի մեջ

Հուրը բացվում է

 

*

Արյունը հոսում է երակների մեջ

Երակները հոսում են մարմնի մեջ

Մարմինը հոսում է հոգու մեջ

Հոգին հոսում է

 

*

Մարդը քնում է երազի մեջ

Երազը քնում է հոգու մեջ

Հոգին քնում է մարմնի մեջ

Մարմինը քնում է

 

*

Կանաչը զարթնում է գարնան մեջ

Գարունը զարթնում է հողի մեջ

Հողը զարթնում է երկրի մեջ

Երկիրը զարթնում է տիեզերքի մեջ

Տիեզերքը զարթնում է

 

*

Կանաչը ծաղկում է բույսի մեջ

Բույսը ծաղկում է բողբոջի մեջ

Բողբոջը ծաղկում է կապույտի մեջ

Կապույտը ծաղկում է երկնքի մեջ

Երկինքը ծաղկում է

 

*

Մարդը պառկում է հողի տակ

Հողը պառկում է օդի տակ

Օդը պառկում է արևի տակ

Արևը պառկում է երկնքի տակ

Երկինքը պառկում է տիեզերքի տակ

Տիեզերքը պառկում է ժամանակի տակ

Ժամանակը պառկում է պահի տակ

Պահը պառկում է

 

*

Լույսը տարածվում է խավարի մեջ

Խավարը տարածվում է տիեզերքի մեջ

Տիեզերքը տարածվում է

 

*

Հոգին շրջում էր ջրերի վրա

Ջրերը շրջում էին ժամանակի վրա

Ժամանակը շրջում էր տարածության վրա

Տարածությունը շրջում էր

 

Թողնել պատասխան

Ձեր էլեկտրոնային հասցեն չի հրապարակվի