«

»

Մայ 11 2011

Տպել Գրառում

Ժակ Բրել | ՄԱՐՔԻԶՆԵՐ

Jacques Brel

1970 թվականին, իմանալով, որ քաղցկեղ ունի, Ժակ Բրելը հաստատվեց Մարքիզյան կղզիներում: Նա վախճանվեց 1978-ին, 49 տարեկան հասակում, ու թաղվեց մարքիզյան Հիվա Օա կղզում, Պոլ Գոգենի գերեզմանից ոչ հեռու:
ֆրանսերենից թարգմանեց Գառնիկ Մելքոնյանը

Նրանք խոսում են մահվանից, ինչպես դու` մրգերից,
Նրանք նայում են ծովին, ինչպես դու` ջրհորին:

Կանայք տռփական են` արևի տակ այրող,
Ու թե ձմեռ չկա, սա ամառն էլ չէ` մեզ սովոր:

Անձրևը խոտորնակի թափվում է խենթորեն,
Սպիտակ, պառավ ձիեր վրնջում են Գոգեն:

Իսկ երբ զեփյուռ չկա, ժամանակը կանգ է առնում
Մարքիզներում:

Երեկոյան կրակներ են ելնում ու լռության կետեր`
լայնանալով հետզհետե, ու լուսինն է շողում:
Ծովն է պատառոտվում` փշրվելով ժայռերին`
խենթ անուններ կրող:

Հետո, քիչ հեռվում` շներ, երգեր զղջման,
Մի քանի pas de deux, մի քանի պարաքայլ:

Ու գիշեն է սսկվում, պասսատն` հանդարտվում
Մարքիզներում:

Ծիծաղը սրտի մեջ է, իսկ բառը` հայացքում,
Սիրտն է ճանապարհորդ, ապագան` բախտապավեն
Մարքիզներում:

Կոկոսենիներ են անցնում, սիրո երգեր գրում,
Որոնց մասին միանձնուհիները չգիտեն, որ չգիտեն:

Պիրոգներ են գնում, պիրոգներ են գալիս,
Ու հուշերս դառնում են ծեր մարդու հուշեր:

Լսի՛ր ինչ եմ ասում.
Ախուվախ քաշելն ընդունված չէ բնավ
Մարքիզներում:

Share Button

Մեկնաբանել

Ձեր էլ. փոստի հասցեն չի հրապարակվելու: Պարտադիր դաշտերը նշված են *-ով

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>